Ὠδὴ θ'. Ὁ Εἰρμός.
Φωτίζου, φωτίζου, ἡ νέα Ἰερουσαλήμ·
ἡ γὰρ δόξα Κυρίου, ἐπὶ σὲ ἀνέτειλε.
Χόρευε νῦν, καὶ ἀγάλλου Σιών·
σὺ δὲ ἁγνή, τέρπου Θεοτόκε,
ἐν τῇ ἐγέρσει τοῦ τόκου σου.
Τροπάρια
Ὤ θείας! ὤ φίλης! ὤ γλυκυτάτης σου φωνῆς·
μεθ' ἡμῶν ἀψευδῶς γάρ, ἐπηγγείλω ἔσεσθαι,
μέχρι τερμάτων αἰῶνος Χριστέ·
ἥν οἱ πιστοὶ ἄγκυραν ἐλπίδος,
κατέχοντες ἀγαλλόμεθα.
Ὤ Πάσχα τὸ μέγα, καὶ ἱερώτατον Χριστέ·
ὤ σοφία καὶ λόγε, τοῦ Θεοῦ καὶ δύναμις·
δίδου ἡμῖν ἐκτυπώτερον, σοῦ μετασχεῖν,
ἐν τῇ ἀνεσπέρῳ, ἡμέρᾳ τῆς βασιλείας σου.
Πηγή: Πεντηκοστάριον, «Φῶς», σελ. 5.
Δεν υπάρχουν σχόλια:
Δημοσίευση σχολίου